خبينى من احلامى
كتبهاmohamedabdalalim محمدعبدالعليم ، في 18 أبريل 2008 الساعة: 06:55 ص
خبيني من أحلامى
شعر : محمدعبدالعليم
خبيني من أحلامى
دارينى كمان وكمان
مسدود الطريق قدامى
وشايف مليون سجان
والقاضى كلب حرامى
ولا عمره كان إنسان
وياريتنى باقول واتكلم
انا اخرس بنص لسان
عايش علشان أتألم
وقفايا يكون ورمان
وأقف وابكى اتندم
واهتف لأغبى إنسان
بالروح بالدم أسلم
وأخدم فى أى ميدان
=============
(2)
خبينى من احلامى
واضحك كده فى وشى
ولا تبكى يوم قدامى
ولا تسيبنى لحظة وتمشى
وانا البكا دامى
وباين على رمشى
طظ فى الدنيا
والكل ما يلزمشي
لا تنافق حكام
ولا توافق أوام
ولا ترافق شتام
ولا تفرح قوي ولا تزعلشي
ولو قالولك خون اللى خان
أبدا ما تخونشي
وعيش ملاك إنسان
على الخير ما تندمشي
بالخير تعيش سلطان
وشيطان الإنس يمشي
فقير وغني تعبان
والحال ما بيدومشي
وياما ملوك ماتوا
والملك مادامشي
والندل أبن الندل
سيبه.. دا كلب.. ما يتلامشي
محمدعبدالعليم
ـــــــــــــــــــــــــــــــــــــــــــــــــــــــــ
التصنيفات : أشعارى وازجالى, بدون هزار ..... وكلام هزار | السمات:أشعارى وازجالى, بدون هزار ..... وكلام هزار
أرسل الإدراج | دوّن الإدراج
أبريل 18th, 2008 at 18 أبريل 2008 7:03 م
ياسلام