طيع طيع   ووطى  وأقفل عنيك

وطاطى.. وغطى .. يرضوا عليك

*****

ياعم طيع

 زي الجميع

خليك مطيع

ندل ووضيع

يرضوا عليك

اهتف وسقف

خليك مثقف

اقسم واحلف

ووطى وازحف

وأقفل عنيك

يرضوا عليك

خليك موطي

دايما مغطى

زرعى وشطي

واياك تخطي

وتمد رجليك

يرضوا عليك

اسمع كلامهم

 وبوس قدمهم

واركع قدامهم

انت وابوك

ولو ينعلوك

 ملعون ابوك

ما ياما خانوك 

ولا علموك

ازاى تخون

ازاى تكون

خارج السجون

وقاطع طريق

نصاب عريق

صديق ورفيق

لكل صفيق

منافق ضلالى

تبيع أخوك

وتقول انا مالى ؟

ما كله ضلالى

ماجاتش عليك؟

بص بعنيك

مد أيديك  

وأسرق وانهب.. وعيش فى السليم

وأقتل واهرب.. وأتمتع بالنعيم

وسيبهم يقولوا عليك  دا لئيم

وسيبهم يقولوا عليك دا رجيم

وأهتف وزعق .. عاش الزعيم

يحميك وينصر شيخ المنصر

الجديد والقديم

*************

محمدعبدالعليم