ا

 

 

 التوهة والتوهان 

 شعر محمدعبدالعليم

 

محمدعبدالعليم

 

 

 

انا في التوهة والتوهان

 

عايش لكن عريان

ماشى لكن تعبان

شارب من الكيعان

ظلم وكمان حرمان

كيلو ومليار فدان

بيتى مالوش عنوان

ولا سقف ولا جدران

زيتى حصى صوان

أشرب لكن عطشان

أكل لكن جوعان

وعذابي بالألوان

تايه في الاوطان

صحابي كانوا زمان

قتلهم السجان

وسحلهم السلطان

مين يقدر يرجع عمرى

غير خالق الأكوان؟

مين يقدر يطلع فجري

غيره الرحمن؟

بادعي واقول يارب

العربي ليه متهان؟

وايه خلاه جبان؟

وليه العمر عدى

بالعذاب والشده

وفين الاقي إنسان

شاب ويا شابه

بالإيمان أحبة

والأمان متصان؟

والقى لى صحبه

ترضى بالإنسان

والشيطان يتخبى

والحنان يبان

والشر يبقى سبه

والخير يعم المكان

 

والقى البيت

وازرع غيط

واملا الدنيا

فرح وابقى نشيط

زي زمان

زي ماكان

جدي الأول

كان إنسان

يخافه الجان

ويهرب منه

في كل مكان

نفسي اعود

زي جدود

الزمن الأول

ولا أتحول

وامشي اتجول

في الأوطان

واعرف بيتى

من العنوان

وابنى حيطى

 

بكل امان

ولا اخاف سجان

ولا سلطان

ولا يخوفنى

إنس وجان

وابقى شجاع

عندى ذراع

يعصر سباع

زي ماكان

جدى زمان

وامتى أفوق

 من التوهان

واطلع فوق

 

فضا الأكوان

وأصنع مجد

يفوق الحد

للأوطان

زي جدى

وابويا زمان

 

ـــــــــــــــــــــــــــــــــــــــــــــــــــــــــ
التصنيفات : أشعارى وازجالى | السمات:أشعارى وازجالى
أرسل الإدراج  |   دوّن الإدراج