بأقول لكم باحبكم
كتبهاmohamedabdalalim محمدعبدالعليم ، في 11 مارس 2006 الساعة: 20:09 م
بأقول لكم باحبكم
يا حبايبى كلكم على بعضكم
اتحدوا واغلبوا
الديب الرهيب
اتحدوا وانهوا
عصر التعذيب
والضرب عمره
ماكان زبيب
ومعقول ياعالم
حبيب يضرب حبيب؟
وان كنا اطفال ياريت نكون
ولا يكون فى مصر مليون فر عون
ياريت نكون اطفال
والرب يكون فى العون
لما العيال تكبر وتغنى الموال
هاشتكنى وباشتكنى ياريس
ماهو كله نايم ومتيس
ويقول اطفال .. و يميس
وياريته رجال .. وكويس!
وان كنا اطفال ياريت نكون
ولا يكون فى مصر مليون فر عون
ياريت نكون اطفال
والرب يكون فى العون
وكله يهون عشانك يامصر
وان كنا شباب البلد
يهون شبابنا ونحقق النصر
وان كنا شيوخ كبار السن
وللماضى نميل و نحن
ح نغنى غنوه للفن
غنوة لشياطين الجن
هشتكنا ياريس هشتكنا
وبستكنا ياريس بستكنا
وامسكنا وأنتكنا وأمركنا
امركنا .. امرك ..امركنا
موتنا ياريس واهلكنا
دا انت كويس ياريس
مين غيرك يهشكنا؟
فرتك فرتك فرتكنا
خلاص ياريس دربكنا
شبكنا فرتكنا
اضرب فينا
ضحكنا واقتل اهالينا
واحبس اللى يشككنا
محلاها سجونك ياريس
للشعب بحاله
واللى يعارض
اعدم امه وعمه وخاله
كنا اطفال وعيال
ياريت نكون مش دون
ولا يكون فى بلادنا ضلال
و معتقلات وسجون
ولا يكون
فى مصر مليون فر عون
ياريت نكون اطفال
والله يكون
فى العون
وينصر سبعين مليون
مسجون فى
مصر أم الكون
ومصر
يحكمها ليه فرعون؟
ومصر
الشعب ليه مسجون؟
بردون ياسيدى بردون
مش خايف من صهيون
انا خوفى من مجنون
يبيع الوطن للدون
والحزب الوطنى .. بردون
مش وطنى دا حزب شارون
الحزب مش وطنى ::
الحزب بميت لون :r:
عاطلون عاطلون :
الحزب غرقنا :
خدعنا وسرقنا
وشبابنا عاطلون
عاطلون عاطلون
عذبنا وحرقنا
ولسه ح يسوقنا
للسوء والسجون
:عاطلون عاطلون :
شوف فقر وفقرنا
ياريته يفارقنا
الحزب الملعون
عاطلون عاطلون :
عاطلون عاطلون
الشعب ليه مسجون؟
بردون ياسيدى بردون
مش خايف من صهيون
انا خوفى من مجنون
يبيع الوطن للدون
والحزب الوطنى .. بردون
مش وطنى دا حزب شارون
محمدعبدالعليم
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
