بأقول لكم باحبكم
كتبهاmohamedabdalalim محمدعبدالعليم ، في 11 مارس 2006 الساعة: 20:05 م
بأقول لكم باحبكم
يا حبايبى كلكم على بعضكم
اتحدوا واغلبوا
الديب الرهيب
اتحدوا وانهوا
عصر التعذيب
والضرب عمره
ماكان زبيب
ومعقول ياعالم
حبيب يضرب حبيب؟
وان كنا اطفال ياريت نكون
ولا يكون فى مصر مليون فر عون
ياريت نكون اطفال
والرب يكون فى العون
لما العيال تكبر وتغنى الموال
هاشتكنى وباشتكنى ياريس
ماهو كله نايم ومتيس
ويقول اطفال .. و يميس
وياريته رجال .. وكويس!
وان كنا اطفال ياريت نكون
ولا يكون فى مصر مليون فر عون
ياريت نكون اطفال
والرب يكون فى العون
وكله يهون عشانك يامصر
وان كنا شباب البلد
يهون شبابنا ونحقق النصر
وان كنا شيوخ كبار السن
وللماضى نميل و نحن
ح نغنى غنوه للفن
غنوة لشياطين الجن
هشتكنا ياريس هشتكنا
وبستكنا ياريس بستكنا
وامسكنا وأنتكنا وأمركنا
امركنا .. امرك ..امركنا
موتنا ياريس واهلكنا
دا انت كويس ياريس
مين غيرك يهشكنا؟
فرتك فرتك فرتكنا
محمدعبدالعليم
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج
