ضرب القفا مضمون شعر : محمدعبدالعليم
كتبهاmohamedabdalalim محمدعبدالعليم ، في 30 مايو 2008 الساعة: 22:11 م
ضرب القفا مضمون
شعر : محمدعبدالعليم
ضرب القفا مضمون
واللى يحتج
ما يملك غير الدعا فى الحج
وانا
طول عمرى ماشى جنب السور
ولا عمرى باثور
ولا
طالبت مره بعمود نور
لاقلت هاتوا حقى ولا عليا الدور
انا مسلم امرى الييييه
هو اللى قادر
وكل شيء بايديه
انا لا اثور ولا اكل لحم الثور
انا ادور حوالين الساقيه
انا
عبد المأمور
يقولولى انزل …انزل
على طول
بقولى اطلع ..اطلع على طول
يقولى سقف طول ….عمر سقفتى اطول م الطول
بطول الطول
واكبر دلدول
احضن الحيط
وابوس تراب البيت
ولا يوم شكيت
ولا يوم حكيت
عن ظلم مأمور البلد
وجنود حملات الهدد
يزيلوا البيت ويقتلوا الولد
ويتفننوا فى قتل ولاد جدد
يزيلوا البيت ويقتلوا مليون ولد
ويتفننوا فى قتل ولاد جدد
مش مهم العدد
المهم فى البلد
كل جهد يروح بدد
والكلاب تاكل فى جسم الأسد
والجسور
لو يثور
ينطحه ألف تور
والمفيد تلاقيه يبور
زي ماضاع
جهد العبور
والنسور
في النهايه
خدت الخابور
الدعا فى الحج
وانا
طول عمرى ماشى جنب السور
ولا عمرى باثور
ولا
طالبت مره بعمود نور
لاقلت هاتوا حقى ولا عليا الدور
انا مسلم امرى الييييه
هو اللى قادر
وكل شيء بايديه
انا لا اثور ولا اكل لحم الثور
انا ادور حوالين الساقيه
انا
عبد المأمور
وانا
طول عمرى ماشى جنب السور
ولا عمرى باثور
ولا
طالبت مره بعمود نور
لاقلت هاتوا حقى ولا عليا الدور
انا مسلم امرى الييييه
هو اللى قادر
وكل شيء بايديه
انا لا اثور ولا اكل لحم الثور
انا ادور حوالين الساقيه
انا
عبد المأمور
ـــــــــــــــــــــــــــــــــــــــــــــــــــــــــ
التصنيفات : أشعارى وازجالى | السمات:أشعارى وازجالى
أرسل الإدراج | دوّن الإدراج
