ح نعمل إيه فى الغلا

 ياموسى.. يامحمد يامسيح

حنعمل إيه في الغلا

ويا التماسيح

نشف النيل والفلا

كلها سناكيح

وكنوز قارون اللى علا

جنب كنوزهم ورق وصفيح

لو قلت الحقيقة

أكون فى العيون

 قليل الأدب وأبيح

ياكلاب السكك

يامعفنة التراب والريح

سرقتوا الفراخ

وسلقتوا اللى داخ

من الفقر ومات جريح

من الغلا حتى الحجر بيسيح

ونباح الكلاب

 فى ودان الكلاب

ولاد الكلاب

 ألحان وأنغام

محلاها التصاريح

بتعد فى اللحاليح

مليون مليار من شعب ذبيح

شايل العارعلى كتفه ويبيح

لكلاب سعرانه نازله تذبيح

فى ناس تعبانه وعيانه

محتاجة الراحة فى ضريح

ماهو شعب أهبل بصحيح

*****

لكلاب سعرانه بصحيح

بتكسب وتلم وتزيد التربيح

وشعوب فقرانه بتصيح

مجاريح ..مجاريح

ومين اللى يسمع

صياح الديك الفصيح

لو يقدر  يصيح

وصراخ الواد الدحيح

فى سجن الأرض الفسيح

يصيح مهما يصيح

ملعون أبوه

وأمه وعمه وخاله

سايح دمه وضايع حاله

مايمشى جنب الحيط

يلاقى الزيت

ويدى مصروف لعياله

ويرتاح ويريح باله

ليه ليه يكون

قليل الأدب وأبيح

وسياده كلاب السكك

بتبيح لعب المراجيح

وبتنعم ع الشعب بالقيح

وتلوح وتشوح

فى الصحرا للريح

محمدعبدالعليم